Рухани: Иранның қорғаныстық қуаты талқыланбайды
ИИР президенті: "Иран халқы дұшпанмен жүргізген сегіз жылдық таңылған соғыс тәжірибесінің арқасында елдің қорғаныстық қуатымен байланысты кез-келген мәселеге сезімталдық танытады. Иранның қорғаныстық қуаты талқыланбайды",- деді.
Хасан Рухани сәрсенбі күні Нидерланды Сыртқы істер министрі Сигрид Каагпен Теһранда кездесуінде кейбір елдердің Иранның зымырандық бағдарламасына қарсы кеңістік құруына сілтеме жасап: "Иран батыс елдерімен Йемен халқын өлтіріп, босқынға айналдырып, тұрғын аймақтары мен инфрақұрылымдарын жою үшін қолданылатын бүлдіргі қару-жарақтарды аймақ елдеріне жаппай сатуға қатысты сұхбаттасуды қалайды",- деді.
Иран президенті Иранның Йеменге зымыран жіберуін толығымен қате әрі негізсіз айып деп атап: "Өз кінәсын басқаға таңудың орнына бар күшті соғысты тез арада аяқтап, атысты тоқтату бітімін бекітіп, Йеменнің мұқтаж халқына көмек көрсетіп, «йемендік-йемендік» келіссөздерді бастау үшін қажет негіздер дайындау үшін жұмылдыру қажет.
Иран аймақтағы қауіпсіздік пен тұрақтылықты нығайтып, лаңкестікпен күресті жалғастыру үшін Еуропа одағымен келіссөздер жүргізуге әзір",- деді.
Нидерланды СІМ Сиград Кааг бұл кездесуде Еуропа одағы мен Нидерландының ИИР-мен барлық салаларда қатынастарын дамытуды көздеп отырғанын баяндап: "Нидерланды Иранның өзін қорғау мақсатындағы қарулану бағдарламасын заңды санап, оны ресми түрде мойындайды",- деп баса айтты.
