Адмирал Ханзади: Иран Теңіз күштерінің айбыны асып тұр
ИИР армиясы Теңіз күштерінің қолбасшысы адмирал Ханзади сенбі күні кешке Иранның 1-ші арнасының «Бір көзқарас» бағдарламасында Иран армиясы мен Ислам революциясы Сақшылар корпусына қарасты теңіз күштерінің күш-қуат пен айбындылықтың шарықтау шегінде тұрғанын айтты.
Mehr ақпарат агенттігінің хабарлауы бойынша, адмирал Хосейн Ханзади Иран армиясы мен Ислам революциясы Сақшылар корпусындағы теңіз күштерінің өте жақсы байланысына тоқталып, бұл екі күштің бір-бірімен толығымен үйлестікте әрекет етіп отырғанын айтты.
ИИР армиясы Теңіз күштерінің қолбасшысы, сондай-ақ, Иранның қорғаныс саласындағы жетістіктеріне тоқталып: «Иран армиясы бөгделерді қажетсінбей-ақ ішкі қарым-қабілетке сүйеніп, барлық қарулар мен әскери жабдықтарды елдің ішінде өндіріп, қолданады»,-деді.
Адмирал Ханзади Теһранда Үнді мұхиты маңындағы елдердің теңіз күштері қолбасшылары отырысының өткізілуі туралы айтқан сөзінде әлемнің әртүрлі елдерінен 35 жоғары дәрежелі әскери делегацияның осы екікүндік отырысқа қатысу үшін Теһранға келетінін хабарлап: «Иран екі жыл бойы Үнді мұхиты маңындағы елдердің теңіз күштері қолбасшыларының отырысын (IONS) басқаратын болады»,-деді.
