Генерал майор Джафари: Араб-Батыс коалициясы Йеменнің әл-Ходейда қаласында жеңіліс тапты

Ислам революциясы Сақшылар корпусының бас қолбасшысы өткен күндері Йеменде болған өзгерістерге тоқталып: «Араб-Батыс коалициясы Йеменнің әл- Ходейда қаласында жеңіліс тапты. Жақын болашақта Йемен халқының жеңісіне куә боламыз», деді.

Саудиялық басқыншы коалиция 13 маусымнан бастап Йеменнің батысындағы әл‑Ходейда айлағын басып алу үшін ауқымды шабуылдарды бастады. Ислам революциясы Сақшылар корпусының бас қолбасшысы генерал‑майор Мұхаммадәли Джафари сейсенбі күні Теһранда өткен бір шарада Иранның аймақтағы жетістіктеріне тоқталып, Ирак, Ливан мен Сирия халықтарының жеңісін қарсыласу қозғалысының үстемшіл алпауыттар мен олардың жалдамалылары алдындағы жеңісі деп атады.