Лариджани: Дұшпан Иранмен қоқан-лоққы мен соғыс арқылы сөйлесе алмайды
Иран Ислам Кеңесі Мәжілісінің төрағасы: "ИИР-ның зымырандық саладағы жетістіктерінің айтарлықтай деңгейге жеткені соншалықты, дұшпан Иранмен қоқан-лоққы және соғыс тілі арқылы сөйлесе алмайды",- деді.
Әли Лариджани жексенбі күні Теһранда ИИР-ның шетелдегі өкілдіктері басшыларымен кездесуінде: "Дұшпан Иранмен қоқан-лоққы және соғыс тілі арқылы сөйлесудің пайдасы жоқ екенін біледі. Сол себепті зымырандар жайлы келіссөз өткізбей, оның орнына Иран зымырандарының ұшу қашықтығы туралы сұхбаттасуды қалап отыр",- деп мәлімдеді.
Лариджани аймақтық мәселелер мен Иранның Ирак пен Сириядағы лаңкестермен күресуге қатысты берік шешіміне тоқталып: "Иранның Сирия мен Ирактағы лаңкестерге берген соққысы Иранда тыныштықтың сақталып, қауіпсіздіктің тұрақтануына себеп болды",- деді.
Сонымен қатар, Лариджани сионистік режим парламентінің "Яхуд елі" атты заң жобасына қатысты жуырдағы әрекетін аймақта отпен ойнау деп атап: "Сионистік режим кейбір аймақ елдеріндегі тынышсыздықтарды пайдаланып, лаңкестік топтарға көптеп көмек көрсеткен, әлі көрсетуде",- деді.
