ДАИШ-ты құру – бүгінгі әлемдегі адам құқықтарын бұзудың ең үлкен мысалы
Иран Сот билігінің басшысы Амоли Лариджани АҚШ пен басқа Батыс елдерінің әлемнің жер-жерінде ұстанып отырған жолы мен тәсілін адам құқықтарын бұзудың нағыз өзі деп атады.
Аятолла Садық Амоли Лариджани жексенбі күні Теһранда өткен "Исламдағы адам құқықтары" күніне арналған арнайы рәсімде сөйлеген сөзінде: "Америкалық басшылар өз елінің ДАИШ-ты құруда рөл атқарғанын бірнеше рет мойындады. Себебі, олар ДАИШ-ты құру арқылы Ислам бейнесін рақымсыз көрсетуді көздеді",- деді.
Иран Сот билігінің төрағасы АҚШ-тың ДАИШ-қа қолдау көрсетуді жалғастырып жатқанына сілтеме жасап: "Иран Ирак пен Сириядағы бауырларының көмегімен ДАИШ деген қатерлі ісіктің көзін жойды",- деп мәлімдеді.
Амоли Лариджани бүгінгі әлемдегі, атап айтқанда Йемен, Бахрейн және Палестинадағы адам құқықтары жағдайын сынға алып: "Адам құқықтарын қорғау туралы уәж айтатындардың Сауд Арабиясының Йемендегі соғыс қылмыстары мен йемендік науқастар, балалар мен әйелдерді өлтіру әрекеттеріне қатысты ауыздарына құм құйылып, үндері өшіп отыр",- деді.
