Иран СІМ-нің ақпарат хатшысы Ауғанстандағы лаңкестік шабуылды айыптады

ИИР СІМ-нің ақпарат хатшысы Бахрам Ғасеми сәрсенбі күні кешке Кабулдың батысында болған лаңкестік шабуылды айыптап, Ауғанстан үкіметі, халқына және лаңкестік қылмыста құрбан болғандардың туыстарына көңіл айтты. Осы шабуыл салдарынан көптеген адам қаза тауып, жараланды.

ИИР-ның Ауғанстандағы елшілігі де Кабулдың батысында орналасқан бір оқу орталығындағы оқушыларға жасалған лаңкестік шабуылды айыптады.

Сәрсенбі күні кешке бір лаңкес Кабулдың имам Мехди атындағы оқу орталығында оқушылардың арасына еніп, өзін жарып жіберу арқылы 48 оқушыны өлтіріп, 67 адамды жаралады.