Иранда ұзақ қашықтыққа арналған "Хавизе" атты круз зымыранының тұсаукесер рәсімі өтті
Ислам революциясы жеңісінің 40 жылдығына орай Иранда ұзақ қашықтыққа арналған "Хавизе" атты круз зымыранының тұсаукесер рәсімі өтті.
IRNA ақпарат агенттігінің хабарлауы бойынша, Иран Қорғаныс министрі Амир Хатами сенбі күні Теһранда ұзақ қашықтыққа арналған "Хавизе" круз зымыранының тұсаукесер рәсімі аясында сөйлеген сөзінде "Фаджр" онкүндігімен құттықтап: "Иранның мамандары мен ғалымдары тарапынан әлемнің дамыған заманауи технологияларын пайдаланып жасалған "Хавизе" зымыраны 1350 км қашықтыққа ұша алады. Ол құрлықтағы қозғалмайтын нысанаға қарсы қолданылуға арналған",-деді.
Бригада генералы Амир Хатами жылдам дайындалу, тез реакция көрсету, төмен биіктікте ұшу, жоғары навигация, нысанаға дөп тию және қирату қабілетінің жоғарылығын "Хавизе" зымыранының көрнекті ерекшеліктері деп атап: "Бұл зымыран – Иранның өз-өзіне сенімі мен қорғаныс саласындағы маңызды жетістігі. Бұл ешбір бөгеттің исламдық Иран халқының қорғаныс саласындағы ерік-жігеріне тосқауыл қоя алмайтынын көрсетеді",-деді.
