Иран Ұлыбританияның Ливан Хезболласына қарсы шарасын айыптады
ИИР СІМ-нің ақпарат хатшысы Ұлыбритания үкіметінің Ливан Хезболласын лаңкестік топтардың тізіміне енгізгенін айыптап, Ұлыбританияның бұл ісін Ливан халқының ауқымды бөлігі мен Хезболланың елдің саяси-әкімшілік жүйесіндегі заңды орнын қасақана көзге ілмеу деп атады.
ИИР Телерадио бірлестігі ақпарат агенттігінің хабарлауы бойынша, Баһрам Ғасеми сенбі күні Хезболланың Ливанда өте ауқымды әлеуметтік базаға ие екенін айтып: «Хезболла Ливанның басқа партиялары сияқты елдегі сайлау және ресми әрі заңды белсенділіктерге, соның ішінде қала әкімшіліктері мен кәсіподақтардың сайлауларына қатысу арқылы сындарлы рөл атқарып келеді»,-деді.
Ғасеми Ұлыбритания үкіметінің қате ісінің Хезболланың рөлін солғындата алмайтынын айтып, Ұлыбритания үкіметіне шынайы жағдайды түсіну үшін Хезболланың соңғы парламенттік сайлау мен басқа да сайлауларда жинаған дауыс санын зерттеуге кеңес берді.
