Рухани: Кез келген дұшпан Ираннан жеңіледі
ИИР Президенті дұшпандардың Иранға қарсы қастандықтарына тоқталып: "Иран бірлік, табандылық және болашаққа деген үмітпен кез келген дұшпанды жеңіліске ұшыратады",-деп қуаттады.
Хасан Рухани сенбі күні Теһранда Мұғалімдер күніне орай Иранда педагогикалық университеттің 100 жылдық мерейтойын ұлықтау рәсімінде АҚШ-тың Иранға қоқан-лоққы жасап, санкция салуының мақсаттарына тоқталып: "АҚШ аймақ пен әлемдегі ықпалды, айбынды әрі тәуелсіз Иранға төзе алмайды",-деді.
Рухани Ислам революциясы негізінің тәуелсіздік екенін айтып: "АҚШ өзінің заңсыз мақсаттарына жету үшін Иран валютасының деңгейін төмендеткісі келеді, бірақ ИИР осы қастандыққа қарсы тұру үшін тиісті шара ойластырды",-деді.
ИИР Президенті, сондай-ақ, АҚШ-тың кейбір елдерге Иран мұнайын сатып алуға берген жеңілдігінің күшін жойғанына тоқталып, Иранның өз мұнайын санкцияға қарамастан сататынын кесіп айтты.
Рухани сионистік режим мен Сауд әулеті режимінің "Ортақ қадам" жан-жақты бағдарламасының орындалмауы үшін ойластырған қастандығына тоқталып, АҚШ-тың қазіргі үкіметінің әсірешіл нәсілшілдер, сионистер және саудиялықтардың қаражатымен өз шараларын орындап жатқанын айтты.
