Иранның әуе шекарасын бұзған АҚШ ұшқышсыз ұшағы құлатылды

Иранның әуе шекарасын бұзған АҚШ-тың ұшқышсыз ұшағы Сақшылар корпусының әуе күштерімен құлатылды.

Иранның әуе шекарасын бұзған АҚШ-тың ұшқышсыз ұшағы құлатылған соң Ислам революциясы Сақшылар корпусы қоғамдық қарым-қатынастар бөлімі мәлімдеме шығарып: «Global Hawk тыңшылық ұшқышсыз ұшағы сәрсенбіден бейсенбігі қараған түні сағат 00:14  Парсы шығанағының оңтүстігіндегі америкалық күштердің базасынан көтеріліп, авиация заңдарына қайшы өзінің бүкіл таным белгілерін сөндіріп, Ормуз бұғазынан Иранның оңтүстік-шығысындағы Чабаһарға қарай ұшуын жалғастырды. АҚШ-тың ұшқышсыз ұшағы Ормуз бұғазының батысына қарай қайтып келе жатқан кезінде ИИР-ның әуе кеңістігін бұзып, тыңшылық жасап, мәліметтер жинауға кірісті. Сағат 4:05 ұшқышсыз ұшақ Иранның әуе кеңістігіне енген кезде Сақшылар корпусының әуе күштері оны нысағана алып, құлатты»,- деп жариялады.

RQ-4 «Global Hawk»    ұшқышсыз ұшағының бағасы 200 миллион доллардан асатын әлемнің ең дамыған тыңшылық ұшқышсыз ұшағы саналады.