Иранда «Киан» ұшқышсыз ұшағының тұсаукесер рәсімі болды

ИИР армиясының әуе-қорғаныс күнімен бір мезгілде қорғанысқа арналған «Киан» ұшқышсыз ұшағының тұсаукесер рәсімі болды.

Бүгін, жексенбі (1 қыркүйек) – ИИР армиясының әуе-қорғаныс күні.

IRNA ақпарат агенттігінің хабарлауы бойынша, ИИР армиясы әуе-қорғаныс күштерінің қолбасшысы генерал Әлиреза Сабахи «Киан» ұшқышсыз ұшағының тұсаукесер рәсімінде: «Киан» ұшағы екі типте шабуылдау және қорғаныс мақсатында жоғары жылдамдықты сақтап, нысананы нақты анықтап, ізіне түсе алуға қабілетті және ұзақ ұшуға төзімді етіп жобаланған»,-деді.   

«Киан» ұшағы ұшу төзімділігінің арқасында елдің шекараларынан өте алыстағы объектілерді нысанаға алып, қорғанысты дұшпан жерінде атқара алады.