Мусави: Иран "Ортақ қадам" жан-жақты бағдарламасындағы міндеттемелерін бұл халықаралық келісімнің негіздері бойынша азайтуын жалғастырады
Иран Сыртқы істер министрлігінің баспасөз хатшысы елінің "Ортақ қадам" жан-жақты бағдарламасындағы міндеттемелерін бұл халықаралық келісімдегі негіздер бойынша азайтуын жалғастыратынын хабарлады.
Сейед Аббас Мусави жергілікті және шетелдік журналистердің алдында Иран Телерадио бірлестігі Шетелдік торабы тілшісінің Иранның "Ортақ қадам" жан-жақты бағдарламасындағы міндеттемелерін азайту саласындағы үшінші қадамын іске асыру әдісі және Еуропаның бұл халықаралық келісімдегі өз міндеттемелерін орындауы туралы сұрағына: "Иран мен бес мемлекеттің арасындағы "Ортақ қадам" жан-жақты бағдарламасынан АҚШ шыққаннан кейін оның басқа мүшелері АҚШ-тың орның толтыруға уәделескен, бірақ осы күнге дейін бұл уәделер іске асырылмады",- деп жауап берді. Мусави Еуропаның міндеттемелерінің БҰҰ Қауіпсіздік кеңесінің қарарына негізделгеніне тоқталып: "Осы кезге дейін кейбір мемлекеттердің өз міндеттемелерін орындау үшін басқалардан рұқсат сұрайтыны – өкінішті жәйт",- деді. Мусави саудиялықтардың мұнай зауыдтарына ұшқышсыз ұшақтармен жасалған шабуылға байланысты Иранды айыптау мәселеге қатысты: "Йемен бес жыл бойы қантөгіспен бетпе-бет келіп отыр. Сондықтан бұл елдің халқы, армиясы және халық комитеттерінің шапқыншылардың қылмыстарына жауап қайтаруы – табиғи іс. ИИР Йемен халқы мен оның құқыларын қорғайды, бірақ Йемен халқы мен армиясының қорғаныс әрекеттерін Иранмен байланыстыру мейілінше өтірікке айналып, шапқыншылар сәтсіздіктерінің жалғасуының белгісі",- деп қосты.