Ислам революциясының жетекшісі имам Хомейни мен шәһидтердің зираттарына барды
«Фаджр» онкүндігінің басталуымен тұспа-тұс және Ислам революциясы жеңісінің 41 жылдығы қарсаңында Ислам революциясының жетекшісі Иран Ислам республикасының негізін қалаушы көсемі имам Хомейнидің қасиетті кесенесіне зиярат жасады.
Аятолла Хаменеи сондай-ақ бүгін сенбі күні таңертең аятолла Беһешти, Раджаи мен Бохонар және 7 тир оқиғасында шәһид болғандардың қабірлерін зиярат етті. Содан соң Ислам революциясының жетекшісі шәһидтер зиратын аралап, Алла жолында күресіп, исламдық Иранның ғиззаты мен күш-қуатын қорғағандардың аруағына сәлем мен салауат айтып, Иран халқының мақтан тұтатын қозғалысы жалғасуы үшін дұға тіледі.
Бүгін 12 баһман, сәйкесінше 1 ақпан – Иран Ислам революциясының қасиетті «Фаджр» онкүндігі басталған күн. Осыдан 41 жыл бұрын хижри шамси күнтізбесінің 1357 жылының 12 баһманында, сәйкесінше 1979 жылдың 1 ақпанында 15 жыл отанынан алыста қуғында жүрген имам Хомейни Иранға оралды.
