Ертең Иран мен Еуропаның жоғары деңгейдегі келіссөздері басталады

Иран СІМ- нің Еуропа мен Америка ісі бойынша орынбасары Иран мен Еуропалық Одақ келіссөздерінің жаңа кезеңінің «Жоғары деңгейдегі келіссөздер» деген атаумен ертең дүйсенбі күні Теһранда басталатынын хабарлады.

ИРНА-ның хабарлауынша, Иранның Еуропалық Одақпен келіссөз жүргізуші тобының төрағасы Мәджид Тахтраванчи жексенбі күні: «Еуропалық делегация Еуропа Одағының сыртқы саясат жетекшісінің орынбасары Хельга Шмидттің бастауымен Иран мен Еуропа Одағы келіссөздерінің жаңа кезеңін бастау үшін Теһранға келеді.

Орынбасарлар деңгейіндегі осы келіссөздер екі күн бойы өтіп, екі тарап делегацияларының түрлі саладағы мамандарын қамтиды. Әр алты айда бір рет Теһран мен Брюссельде өтетін келіссөздерде Иран мен Еуропа Одағының екі жақты байланыстары, соның ішінде энергия, сауда, қаржы және банк саласындағы ынтымақтастықтар, қоршаған орта және есірткі заттармен күрес саласындағы әр алуан тақырыптар талқыға салынады. «Ортақ қадам» жан- жақты бағдарламасының орындалуын қарастыру штабының төрағасы сейіт Аббас Арақчи осы келіссөздерде «Ортақ қадам» жан- жақты бағдарламасының орындалу үдерісіне еуропалық делегациямен бірге шолу жасайтын болады» деді.