«Мейлінше қысым» саясаты сәтсіздікке ұшыраған соң Помпео «Ортақ қадамға» серіктес болмақ
Иран Сыртқы істер министрі Зариф АҚШ-тың «Ортақ қадам» жан-жақты бағдарламасына оралу шешімін Ислам республикасына «мейлінше қысым» көрсету саясатының сәтсіздікке ұшырауының нәтижесі деп атады.
Мұхаммад Джавад Зариф дүйсенбі күні Twitter-дегі парақшасында: «Осыдан екі жыл бұрын АҚШ Мемлекеттік хатшысы Майк Помпео мен оның басшысы АҚШ-тың «Ортақ қадам» жан-жақты бағдарламасынан шығатынын жариялап, «мейлінше қысым» көрсету саясаты Иранды бағындырады деп ойлады»,- деп жазды. Зариф Помпеоның «мейлінше қысым» көрсету саясаты сәтсіздікке ұшырағаннан кейін «Ортақ қадам» жан-жақты бағдарламасына серіктес болғысы келетініне назар аудартып: «Қиялдауды тоқтатыңдар, Иран халқы әрқашан өз тағдырын өзі шешті»,- деп жазды.
New York Times газеті жексенбі күнгі хабарында АҚШ-тың «Ортақ қадам» жан-жақты бағдарламасы бойынша ағымдағы жылдың 18 қазанында күші жойылатын Иранға салған қару санкцияларын созуға талпыныс жасап жатқанын әшкереледі.
