Адамгершілік АҚШ-тың экономикалық лаңкестігі мен коронавирусты жеңеді

Иран Сыртқы істер министрі Зариф адамгершілікті АҚШ-тың экономикалық лаңкестігі мен коронавирусты жеңудің факторы деп атады.

Мохаммад Джавад Зариф Твиттерде «Қайырымдыларға құрмет» атты ұлттық күнді еске салып: «Қайырымды, ізгі іс жасау – Иран халқының ежелгі дәстүрі. Рамазан айында мұқтаж жандарға көмектесу мақсатында миллиондаған  маска мен дезинфекциялық заттар дайындалды»,-деді.

Иран Сыртқы істер министрі Твиттердегі осы жазбасында коронавируспен күресуге көмектесіп жатқан ирандықтардың суреттерін жариялап, адамгершіліктің АҚШ-тың экономикалық лаңкестігі мен коронавирусты жеңетінін айтты.