Велаяти: Иран аймақта әділ бейбітшілік орнатуға талпыныс жасайды
Ислам революциясы жетекшісінің халықаралық істер жөніндегі кеңесшісі аймақ қауіпсіздігін бұлтартқысыз қажеттілік деп атап: «ИИР аймақта әділ бейбітшілік орнатуға талпыныс жасайды»,-деді.
Әли Акбар Велаяти дүйсенбі күні Аһл-е Бейтті сүюшілер қоғамының «Ислам революциясы жетекшісінің Қарабақ туралы көзқарастары» туралы онлайн отырысында: «Иранның Әзірбайжан және Армениямен ортақ шекарасы бар. Сондықтан көрші ел ретінде Иранның Қарабақ қайшылығына ерекше назар аударуы қисынды»,-деді.
Велаяти Әзірбайжан халқын басып алынған қалалардың азат етілуімен құттықтап: «Хазірет аятолла Хаменеи де бұрынырақ басып алынған жерлердің Әзірбайжанға қайтарылуы тиістігін баса айтқан болатын. Оның пайымдауынша, барлық қақтығыстардың тамыры – халықаралық шекараларда қалыптасқан араздық. Осыған көңіл бөлу керек»,-деді.
