Бақери: Иранның 4+1 тобымен келіссөздердегі мақсаты – залым санкцияларды жою
Иран Сыртқы істер министрінің саяси істер жөніндегі орынбасары жұма күні Russia Today тілшісіне берген сұхбатында Иран делегациясының Брюссельге сапарының нәтижелері туралы: «Біздің 4+1 тобымен келіссөздердегі мақсатымыз – АҚШ-тың Иранға қарсы залым әрі заңсыз санкцияларын жою. Осыған орай біз еуропалық тараппен шарттар, талаптар және нақты нәтижелерге қол жеткізу туралы сөйлестік»,- деді.
Али Бақери ядролық келіссөздердегі алға ілгерілеуді қарсы тараптың заңсыз санкцияларды алып тастау еркімен байланыстырды. Бақери сондай-ақ діни жетекшінің ядролық қаруды өндіруге, иеленуге немесе пайдалануға тыйым салатын пәтуасына сілтеме жасап, Иранның ядролық жұмыстарын азаматтық және бейбіт мақсатты жариялады. Бақери сионистік режимнің Иранға қарсы айыптауына тоқталып: «Бұл режим Батыс Азиядағы ядролық қарудың жалғыз иесі, сондықтан ешкімді айыптай алмайды»,- деп баса айтты.
