Ширез аңғары – Луристан облысындағы жұмақтың бір бөлігі

Ширез аңғары Куһдәшт қаласынан 55 км жерде, Керманшах, Илам мен Луристан облыстары тоғысқан жап-жасыл аймақта Сеймаре өзенінің жағасында орналасқан.

Ширез шатқалының ұзындығы – 5 км. Оның ортасында өзен ағып жатыр. Бұл өзен Ширез аңғарының кіреберісінде Сеймаре өзеніне қосылады. Аймақтың табиғаты әдемі. Суы мол бұлақтар, тік жартастар мен жабайы жеміс-жидек ағаштары көп.