Иран армиясы ұшқышсыз ұшақ жасау саласында күн сайын дамып келеді
Иран армиясы әуе қорғаныс күштерінің қолбасшысы осы ел армиясының жаңа технологияларды жылдам меңгеріп алғанын айтып: "Ұшқышсыз ұшақ-1401" ортақ әскери жаттығуында мақтануға тұрарлық маңызды істер атқарылды",-деді.
Бригада генералы Әлиреза Саббахифард бейсенбі күні "Ұшқышсыз ұшақ-1401" ортақ әскери жаттығуы аясында әуе қорғаныс күштерінің осы жаттығудағы рөліне тоқталып: "Әлем бойынша соңғы кезде болған соғыстар ұшқышсыз ұшақтардың өте әсерлі бола алатынын дәлелдеді. Сол себепті Иран армиясы да осы салаға қадам басты",-деді.
Бригада генералы Саббахифард армияның бұл саладағы даму жылдамдығы өте жоғары екенін, болашақта ұшқышсыз ұшақ саласында айтарлықтай жетістіктерге жететінін айтып: "Осы әскери жаттығуда жаңа істер, соның ішінде қаруланған ұшқышсыз ұшақпен әуеде объектінің ізіне түсу амалын атқардық",-деді.
