Жас буынға тәлім-тәрбие беру, жастардың шешім қабылдау және әрекет ету қуатын нығайту "Ұшқышсыз ұшақ-1401" әскери жаттығуының мақсаттарының бірі болды
Иран армиясының "Ұшқышсыз ұшақ-1401" атты ортақ әскери жаттығуының баспасөз өкілі: "Жас буынға тәлім-тәрбие беру, жастардың шешім қабылдау және әрекет ету қуатын нығайту осы әскери жаттығудың маңызды мақсаттарының бірі болды",-деді.
Иран Телерадио бірлестігі ақпарат агенттігінің хабарлауынша, адмирал сейіт Махмұт Мусави алғаш рет ұшқышсыз ұшақтар жаттығуы өткізілгенін айтып: "Осы шараға 150-ден аса түрлі ұшқышсыз ұшақтың қатысуы және жаттығу аумағының кең болуы, яғни Парсы шығанағы, Ормуз бұғазы мен Оман теңізін қамтуы оны ұйымдастыруды күрделендіріп жіберді. Басқару және бақылау жүйелерінің үйлесе әрекет етуінің арқасында жаттығу сәтті өтті",-деді.
Адмирал Мусави жаттығуда толықтай ел ішінде жасалған ұшқышсыз ұшақтар мен құрал-жабдықтар қолданылғанына тоқталып: "Басқару және бақылау жүйелері, қару-жарақтар, оқ-дәрілер мен ұшқышсыз ұшақтардың барлығын отандық мамандар жергілікті құрал-жабдықтарды пайдаланып жасады",-деді.
