Генерал-майор Бағери: Иран мен Пәкістан арасында ортақ әскери жұмыс тобын құру қажет

Иран Қарулы күштері бас штабының басшысы Пәкістан армиясы қолбасшыларының ортақ комитетінің басшысымен телефон арқылы сұхбаттасып, оны осы лауазымға тағайындалуымен құттықтап, екі ел арасында ортақ әскери жұмыс тобын құру керегін айтты.

Генерал-майор Бағери Пәкістан армиясы қолбасшыларының ортақ комитетінің басшысы Ардашир Сахер Шемшад Мырзамен сөйлесіп, екі ел қарулы күштерінің бұрыннан бүгінге дейінгі тиімді қарым-қатынасы және қорғаныс пен қауіпсіздік салаларындағы әріптестігі, әсіресе ортақ шекараның қауіпсіздігін нығайту жолындағы ынтымақтастығының дамып жатқанына тоқталды.

Генерал-майор Бағери Иран Қарулы күштерінің Пәкістан армиясы қолбасшыларының ортақ комитетінің бұрынғы басшысы генерал Надим Резаның екі ел арасында ортақ әскери жұмыс тобын құру туралы ұсынысын орындауды тездетуге толық дайын екенін жариялады.