Қалибаф: Сатқындардың шекарада қаза тапқан жастарға қатысты үнсіздігі Иран халқының назарынан тыс қалмайды
Иран Ислам Кеңесі Мәжілісінің төрағасы елдің оңтүстік-шығысындағы Сараван шекаралық полкінде шекарашылардың шәһид болғанына байланысты көңіл айтып: "Сатқындардың лаңкестік шабуылда қаза тапқан ержүрек жастар туралы үнсіз қалуы Иран халқының назарынан тыс қалмайды",-деді.
Мұхаммед Бағер Қалибаф дүйсенбі күнгі ашық жиналыста: "Лаңкестікті қолдаушылардың дауысы кісі өлтіргендер мен лаңкестерді жазалағанда қаттырақ естіледі. Ал Иранның ержүрек жастары ел шекарасын қорғау жолында қаза тапқанда олардың дауыстары шықпайды",-деді.
Қалибаф: "Сараван шекаралық полкінде шекарашылардың шәһид болуы Иран халқының жүрегін ауыртты",-деді.
Иран Ислам Кеңесі Мәжілісінің төрағасы: "Өз Отанынан теріс айналып, дұшпандарға жақтасатын кез келген адам Иран халқынан тарихта қаларлықтай ауыр соққы алады",-деді.
Сенбі күні (20 мамыр) бұзақылар мен қылмыскерлер Иран мен Пәкістан шекарасына лаңкестік шабуыл жасап, Иранның оңтүстік-шығысына басып кірмек болды. Бірақ Сараван шекаралық полкіне қарасты "Мәззесәр" мұнарасында батыл шекарашылардың табанды қарсылығына ұшырады. Өкінішке қарай, осы қақтығыс барысында Иранның 5 шекарашысы қаза тапты.
