Шахшырақ оқиғасына қатысты 4 күдікті ұсталды

Иранның оңтүстігіндегі Фарс облысының әділет басқармасының басшысы Шахшырақ кесенесіндегі лаңкестік оқиғаға қатысы бар деген 4 күдіктінің ұсталғанын хабарлады.

Мусави кеше кешке Шахшырақ кесенесіне жасалған лаңкестік шабуылға қатысты істің қазіргі жағдайы туралы: "Осы сәтке дейін жүргізілген тексерістер бойынша аталмыш оқиғаға қатысты 4 күдікті ұсталды",-деді.   

Мусави: "Кесенеде оқ атқан басты лаңкес бірден ұсталып, тергеуге алынды. Оны тергеу жалғасып жатыр",-деді.

Фарс облысының әділет басқармасының басшысы: "Өкінішке қарай, осы оқиғада жараланғандардың бірінің жағдайы ауыр",-деді.