Иран АҚШ пен Ұлыбританияның Йемен қалаларына жасаған шабуылдарын қатаң айыптады
ИИР Сыртқы істер министрлігінің баспасөз хатшысы АҚШ пен Ұлыбританияның бүгін таңертең Йеменнің бірнеше қаласына жасаған әскери шабуылдарын қатаң айыптап, оны озбыр әрекет, Йеменнің егемендігі мен аумақтық тұтастығын ашық түрде бұзу және халықаралық заңдар мен ережелерді бұзу деп санады.
Iran Press ақпарат агенттігінің хабарлауынша, Насер Канани бүгін жұма күні таңертең осыған байланысты БАҚ мәлімдемесінде: "Бұл әскери шабуылдар сионистік режимнің Палестина халқына және Газа секторының толық қоршауындағы езілген азаматтарға қарсы соғыс қылмыстарының соңғы жүз күнінйдегі Америка Құрама Штаттары мен Ұлыбританияның толық қолдауының жалғасуына сәйкес жасалуда",- деді. Ол бұл ерікті шабуылдардың аймақтағы қауіпсіздік пен тұрақсыздықты күшейтуден басқа нәтиже болмайтынын баса айтып: "Сионистік режим Палестинаның Газа секторы мен Иордан өзенінің батыс жағалауындағы шабуылдары мен әскери қылмыстарын жалғастырып жатқанда, Америка мен Англия сионистік режимге қолдау көрсету қолшатырын кеңейту арқылы әлем халқының назарын осы жалған, қылмыскер және басқыншы режимнің Палестина халқына қарсы қылмыстарынан бұруға тырысуда",- деп мәлімдеді.
ИИР СІМ-інің баспасөз хатшысы аймақтық және халықаралық бейбітшілік пен қауіпсіздік үшін осындай озбыр шабуылдардың қайталануының салдарына алаңдаушылық білдіріп, халықаралық қауымдастықты жауапты реакциялар мен әрекеттер арқылы аймақта соғыстың, тұрақсыздық пен қауіптің таралуына жол бермеуге шақырды.
