Иран Президенті мен оның делегациясы мінген тікұшақ апатқа ұшырады
ИИР Президенті мінген тікұшақ Иранның солтүстік-батысындағы Джульфа аймағында құлады.
ИИР Телерадио бірлестігі ақпарат агенттігінің хабарлауынша, жауапты басшылар жариялағандай іздестіру-құтқару топтары оқиға орнына аттанды.
Ауа райының қолайсыздығы мен қалың тұман іздестіру-құтқару топтарының оқиға орнына жетуін қиындатып отыр.
Иранның Ішкі істер министрі Ахмади Вахиди ИИР Телерадио бірлестігі ақпарат агенттігінің тілшісіне берген сұхбатында іздестіру-құтқару топтарының оқиға орнына әлі жетпегенін айтып: "Президенттің жанындағылармен байланыс орнатылды. Бірақ аймақтағы ауа райының қолайсыздығынан оқиға орнына жету қиын болып отыр",-деді.
Иран Ішкі істер министрінің айтуынша, Мемлекет басшысы мен оның делегациясы бірнеше тікұшақпен іссапардан қайтып бара жатқан еді. Тікұшақтардың бірі ауа райының қолайсыздығына байланысты жерге қонуға мәжбүр болған. Іздестіру-құтқару топтары оқиға орнына бара жатыр.
Қосымша ақпараттар ресми ақпарат көздерінен алынғаннан кейін жарияланады.
