Иранда жасанды интеллектпен ғарыштық технологияларды дамыту
ParsToday – Иранның ғарыш сарапшысы: «Қашықтан зондтау саласындағы болашақтағы үлкен өзгерістердің бірі – спутниктік суреттердің сапасын жақсарту үшін жасанды интеллектті кеңінен пайдалану»,- деді.
ИИР соңғы онжылдықтарда ғарыштық технологиялар мен қашықтықтан зондтау спутниктерін дамытуға жан-жақты талпыныс жасап, осы салада айтарлықтай жетістіктерге қол жеткізді.
ParsToday хабарлауынша, «Тасним» агенттігіне берген сұхбатында Иранның ғарыштық технологиялар және ғарыштық экономика саласындағы сарапшысы Ахмад Сүлеймани былай деді: «Соңғы айларда көптеген сарапшылар мен саясаткерлердің назарын аударған маңызды мәселелердің бірі – Иранның әртүрлі салаларында жасанды интеллекттің (AI) байыпты қолданылуы. Ислам революциясының жетекшісі жақында жас дарындармен кездесуінде осы саладағы болашақты елдің ең маңызды басымдылықтарының бірі ретінде атады».
Сүлеймани: «Жасанды интеллект ғарыштық салаларды түрлендіру мүмкіндігіне ие. Ол үлкен спутниктік деректерді басқару мен талдауды, спутниктерді дәл және автоматты басқару, ғарыштық жұмыстарды оңтайлы жоспарлау, ұшыру қаупін болжау және азайту, жерсеріктерді сезінуде бейнелеу және автоматты роботтарды жасауды қоса алғанда, кең ауқымды салаларда шешуші рөл атқара алады», -деп қосты.
Иран Ислам Республикасы халықаралық шектеулер мен санкцияларға қарамастан қашықтықтан зондтау спутниктері мен зерттеу жерсеріктерін жасауда ауқымды табыстарға қол жеткізе алды. «Чамран 1» зерттеу жерсерігі Аэроғарыштық зерттеулер институты мен жеке ирандық білімге негізделген компаниялардың ынтымақтастығы мен қатысуымен Иранның электронды өнеркәсібі ғарыш тобымен жобаланып, салынды. Ол 2024 жылдың 14 қыркүйегі күні «Қаем 100» спутнигімен ұшырылып, 550 км орбитаға сәтті орналастырылды, бұл шетелдік БАҚ-та кеңінен көрініс тапты. «Хайям» спутнигі сонымен қатар жоғары дәлдіктегі суретке түсіру мүмкіндігіне ие және Иранға табиғи ресурстарды, ауыл шаруашылығын басқару және қоршаған ортадағы өзгерістерді бақылау үшін қашықтықтан зондтау деректерінен пайда алуға мүмкіндік беретін ең жаңа ирандық жерсеріктердің бірі болып табылады.
Бұған дейін «Навид» спутнигі 2011 жылы ұшырылған және жергілікті технологияларды қолдану арқылы Иранның климаты мен өсімдіктері туралы маңызды деректер береді. «Зафар» жер серігі ауыл шаруашылығы мен қоршаған орта салаларында да қашықтықтан зондтау мүмкіндіктеріне ие және табиғи апаттар мен Иранның экологиялық жағдайын бақылауда тиімді рөл атқара алады.
«Парс 1 және 2» спутниктері табиғи ресурстарды басқаруды жақсартуда, қоршаған ортаны бақылауда және Иранның ауылшаруашылық экономикасына көп спектрлі деректер жинау және бейнелеу арқылы көмектесуде маңызды рөл атқаратын Иранның дамып келе жатқан жобаларының бірі болып табылады.
Ажыратымдылығы жоғары және бейнелеу дәлдігі жоғары бұл спутниктер Иранға ресурстарды басқаруда және қоршаған орта мен климаттық өзгерістерді бақылауда өзін-өзі қамтамасыз етуге көмектесе алады.
Осыны негізге ала отырып, Ахмад Сүлеймани Иранның ғарыш өнеркәсібінде жасанды интеллект қолданудың кең ауқымына тоқталып: «Жасанды интеллект ғарыштық технологиялардың даму жылдамдығы мен дәлдігін айтарлықтай арттыра алады»,- деді.
