Ислам мәдени майданың кеңейту Иран мен Түркияның мәдени жылының мақсаттарының бірі болып табылады
ParsToday – Иранның Түркиядағы мәдени кеңесшісі 2025 жылдың Түркия мен Иранның мәдени жылы деп аталғанын айтып: «Осы мүмкіндікті пайдаланып, ортақ ынтымақтастықты арттыруға болады»,- деді.
ИИР-ның Түркиядағы мәдени кеңесшісі Қасым Назими 2025 жылдың Түркия мен Иранның мәдени жылы деп аталуына тоқталып: «Екі елдің ортақ тарихи және мәдени саласы бар және мәдени ынтымақтастық арқылы көршілестік пен бауырластықты нығайту Иранның басым бағыттарының бірі болып табылады»,- деп айтты. ParsToday ақпарат агенттігінің хабарлауынша, Назими осы тұрғыда: «Түркия мен Иранның қарым-қатынастарын тереңдету талпынысы да әлемдегі исламдық мәдени майданның кеңеюіне септігін тигізеді, бұл мәселе екі елдің басым бағыттарының бірі болып табылады»,- деп мәлімдеді.
Бұдан бұрын шахривар айында Иран Ислам мәдениеті және байланыс ұйымының басшысы Мұхаммад Мәһди Иманипур Түркияның Мәдениет және туризм министрі Мұхаммад Нури Арсавимен кездесуінде 2025 жылды тарих тұрғысынан ерекше жыл ретінде еске алды. Иран мен Түркия арасындағы мәдени қарым-қатынастарды талқылады және осы мәдени жылды Иранның Ұлттық күнімен бір мезгілде бастауды талап етті.
Иранның Ислам мәдениеті және байланыс ұйымының басшысы осы отырыста: «Түрік тарапының ұсынысы Иран мен Түркияның мәдениет жылын осы елдің 16 провинциясында ашық түрде өтетін «Мәдени жол» бағдарламасы түрінде өткізу болды»,- деді. Иманипур мәдени жылда ғылыми-зерттеу кездесулері, кинофестивальдар, музыкалық концерттер, БАҚ және баспасөз ынтымақтастығы сияқты түрлі бағдарламалардың жүзеге асырылып жатқанын айта келе, екі жақтың үйлестіру комитеттерінің белсенді жұмысы жалғасын табуына тоқталды.
Бұл отырыста Түркияның Мәдениет және туризм министрі елдің Түркияның «Мәдени жол» фестивалінде Иранды қабылдауға дайын екенін мәлімдеді. Бұл фестиваль Түркия халқының 60 пайызын қамтиды.
Сонымен қатар, өткен айда Түркия президентінің байланыс орталығының басшысы Фахреддин Алтун Иранның Мәдениет және исламдық бағдар министрі Сейед Аббас Салехимен телефон арқылы сөйлесуінде: «Келер жылды (2025) Иран мен Түркияның мәдени жылы деп белгілеуді ескере отырып, ортақ мақсаттарға негізделген құнды бірлескен жобаларды жүзеге асыра аламыз деп үміттенемін»,- деді.
Фахреддин Алтун: «2025 жылы Иран мен Түркияның қарым-қатынасы нығая түседі және екі елдің байланысты ұйымдары арқылы көптеген бағдарламалар жүзеге асырылуы мүмкін және бұл екі елдің бір-бірін тануының артуына жағдай жасайды»,-деп қосты.
Иранның Мәдениет және исламдық бағдар министрі де осы телефон сұхбатында: «Аймақтағы өзгерістер мен сионистік режимнің қылмыстарының күшеюі мұсылман халықтары арасындағы жақындық пен бірлікті бұрынғыдан да қажет етті»,- деп айтты.
Иран мен Түркияның мәдени жылы (2025) алдағы жылдың ақпан айынан бастап бір жыл бойы Иран Ислам мәдениеті және байланыс ұйымының басшылығымен өтеді.
