Иранның АҚШ-қа соққы беруінен бастап Брюссель мен Вашингтон арасындағы келіспеушіліктің күшеюіне дейін
ParsToday - Жақында Оңтүстік Африка, Малайзия және Колумбия басшылары бірлескен журнал мақаласында Израильге қару тасыған кемелердің өз порттарына кіруіне рұқсат бермейтінін мәлімдеді.
ParsToday: Иран және әлем жаңалықтарына шолу: Сақшылар корпусының Әскери-теңіз күштерінің күш-қуатының ілгерлеуі; Судандағы қақтығыстардың өршуі; Оңтүстік Африка, Малайзия және Колумбияның Израильге қару-жарақ тасымалдайтын кемелердің порттарында болуына қарсылығы және Трамп-Зеленский келіссөздерінен кейін Еуропа мен АҚШ арасындағы алшақтықтың артуы.
Адмирал Тангсири: Біз Америкаға соққы бердік
Ислам революциясы Сақшылар корпусы Әскери-теңіз күштері қолбасшысының айтуынша, бұл күш өзінің білімге негізделген мүмкіндіктері мен отандық сарапшылардың күш-қуатына сүйене отырып, бүгінде кез келген қауіп-қатерге шешуші әрі талқандаушы жауап беретін қуат деңгейіне жетті. Ислам революциясы Сақшылар корпусы Әскери-теңіз күштерінің қолбасшысы адмирал Алиреза Тангсири Әскери-теңіз күштерінің аймақтық қауіпсіздікті қамтамасыз етудегі рөліне тоқталып: «Бүгін біз ешбір шетелдік күшке тәуелді емеспіз және білімге негізделген ресурстарға сүйене отырып, Сақшылар корпусы Әскери-теңіз күштері алға ілгерлеуге қадам басуда»,- деді. Генерал-майор Тангсири Иран Ислам Республикасының соңғы жылдары Америка Құрама Штаттары мен оның одақтастарына соққы жасағанын айтып: «Иран суларына қол сұққан 10 британдық теңізшіні тұтқындау және ирандық танкерлерді қайтару Иран ұлтының күш-қуаты мен мақтанышын арттыратын аспектілер болып табылады»,- деп мәлімдеді.
Оңтүстік Африка, Малайзия және Колумбия өз порттарында Израильге қару тасымалдайтын кемелердің болуына қарсы
Жақында Оңтүстік Африка, Малайзия және Колумбия басшылары бірлескен журнал мақаласында Израильге қару-жарақ тасымалдайтын кемелердің өз порттарына кіруіне жол бермейтінін мәлімдеді. Оңтүстік Африка президенті Сирил Рамафоса, Малайзия премьер-министрі Анвар Ибрагим және Колумбия президенті Густаво Петр "Foreign Policy" журналындағы мақаласында Израиль режимінің халықаралық құқықты бұзу иммунитетін тоқтатуға шақырды.
АҚШ Израильге қосымша 4 миллиард долларлық қару сатуды мақұлдады
АҚШ Мемлекеттік хатшысы Марко Рубио Израильге шамамен 4 миллиард долларға әскери көмек жеткізуді жеделдету туралы келісімге қол қойылғанын хабарлады. Трамп үкіметі қызметіне кіріскеннен бері АҚШ Израильге 12 миллиард долларға қару сатуды мақұлдады.
Трамп-Зеленский келіссөзінен кейін Еуропа мен АҚШ арасындағы алшақтық ұлғая түсті
Жексенбі күні Лондонда он беске жуық еуропалық көшбасшы Украинаға қатысты әрекеттерін ілгерілету үшін Украина президенті қатысады деп күтілетін саммитте бас қосады. Еуропалық Одақтың дипломатиялық қызметінің басшысы Кайя Каллас бұдан бұрын «еркін әлемге жаңа көшбасшылық қажет» деп мәлімдеді. Франс Пресс агенттігінің хабарлауынша, АҚШ президенті Дональд Трамп пен оның украиналық әріптесі Зеленскийдің Ақ үйде өткен шиеленісті келіссөздерінен кейін еуропалық көшбасшылардың көпшілігі Украинаны қолдады. Бұл Еуропа мен Америка арасындағы өсіп келе жатқан алшақтықты көрсететін қадам.
Судандағы қақтығыстардың өршуі
Жергілікті ақпарат көздері Судан армиясының Хартумдағы президенттік сарай маңында қақтығыстар күшейгеннен кейін Шығыс Ніл аймағындағы және Әл-Абидж қаласының солтүстігіндегі Жедел қолдау күштерінің позицияларын ауыр артиллериямен нысанаға алғанын хабарлады.
