Иран пайдалы қазбалар қоры бойынша әлемдегі ең ірі мемлекеттердің бірі болып табылады
ParsToday - Теһран Сауда палатасының мүшесі былай деп мәлімдеді: Иран әлемдегі минералдық қорлардың 7 пайызына ие және әлемдегі ең үлкен мырыш, қорғасын және мыс қорларының иесі болып саналады.
Теһран Сауда, өнеркәсіп, кен және ауыл шаруашылығы палатасының мүшесі Мұртаза Фағани жексенбі күні: «Қазіргі уақытта Иранның минералдық ресурстарының құны дүние жүзіндегі жалпы минералдық ресурстардың 7 пайызын құрайды және тау-кен өнеркәсібіне салынған инвестицияның әрбір доллары Иранға 8,2 доллар валюта әкеледі»,- деді. ParsToday ақпарат агенттігінің хабарлауы бойынша, Фағани Иранның қазіргі уақытта әлемдегі он екінші кен өндіруші ел екеніне тоқталып: «Иран дүние жүзіндегі пайдалы қазбалар өндірісінің құнының 3 пайыздық үлесіне және дүние жүзіндегі пайдалы қазба қорларының 15 пайызына ие. Сондай-ақ Иран 7,1% үлесімен әлемдегі темір және болат қоры бойынша жетінші орында»,- деп мәлімдеді.
Хаф-Герат темір жолының дамуын зерттеу
Иранның жоғары деңгейдегі делегациясы жексенбі күні Ауғанстанға сапар шегіп, транзиттік мүмкіндіктерді, әсіресе Хаф-Герат темір жолының дамуы мен тасымалдау саласындағы ынтымақтастықтарды кеңейту, сауданы дамыту және транзиттік кедергілерді жою мәселелерін қарастырды. Бұл делегацияның жоспарларының бірі - Хаф-Герат теміржол желісі мен Махи Руд-Фара осінің проблемалары мен мүмкіндіктерін зерттеу.
Иранның Жол және қала құрылысы министрінің орынбасары Абдолла Арджаи осы сапардың жоспарларын түсіндіріп: «Заңға сәйкес, Ираннан келетін транзит көлемі жылына 40 миллион тоннаға дейін ұлғайтылуы керек және бұл көршілерге жеткілікті назар аудармай және шығыс-батыс және солтүстік-оңтүстік дәліздерін аяқтамайынша мүмкін емес»,-деді. Арджаи қосты: «Ауғанстан Еуропамен байланыс пен ашық суларға қосылуды қажет етеді және Иран Ислам Республикасы осы мүмкіндікті пайдаланып, Иранның валюта табуы үшін қолайлы негіз бере алады».
