Иран сионистердің Ливанға агрессиясын айыптайды
ParsToday - Ислам Республикасы Сыртқы істер министрлігінің баспасөз хатшысы сионистік режимнің Ливанның оңтүстігіндегі тұрғын аудандарға жасаған кеше түнгі басқыншылық әрекетін айыптады.
Бейсенбі және жұма күні таңертең Израиль режимі Бейруттің оңтүстігі мен Ливанның оңтүстігіне жаппай шабуылдар жасады. Ливан ақпарат құралдары бейсенбі күні кешке Израиль режимінің Бейруттің оңтүстігіне әуеден шабуыл жасағанын, Израиль әскери ұшақтарының аймақтағы Әл-Каим мешітіне іргелес ғимаратты нысанаға алғанын хабарлады. ParsToday ақпарат агенттігінің Tasnim ақпарат агенттігіне сілтеме жасап хабарлауынша, Иран Сыртқы істер министрлігінің бапасөз хатшысы Исмаил Бақаи жұма күні Израиль режимінің Ливанның оңтүстік шетіндегі елді мекендерге әуеден және ұшқышсыз ұшақтардан жасаған шабуылын Ливанның аумақтық тұтастығы мен егемендігіне қарсы ашық агрессия ретінде сипаттады және қатаң айыптады. Сионистік режимнің БҰҰ Қауіпсіздік Кеңесінің үнсіздігі мен әрекетсіздігін пайдаланып, Ливанға қайта-қайта басқыншылық жасауына тоқталып, Бақаи атысты тоқтатуға кепілдік берген АҚШ пен Францияның тікелей жауапкершілігіне сілтеме жасап, Американың ашық және жасырын қолдауынсыз сионистік режимнің заңды бұзып, БҰҰ Жарғысы мен халықаралық құқық қағидаттарын өрескел бұзуды жалғастыра алмайтынын баса айтты.
Ол сондай-ақ БҰҰ Қауіпсіздік Кеңесінің сионистік режимнің бейбітшілікті бұзуына және басқыншылық әрекеттеріне қарсы тұру жауапкершілігін еске салып, Кеңестің БҰҰ жарғысына сәйкес өзіне жүктелген міндеттеріне сәйкес практикалық әрекет етуіне шақырды.
Иран СІМ-нің баспасөз хатшысы: «Сионистік режимнің аймақтағы бүліктерінің жалғасуы және оның Ливан мен басқа да исламдық елдерге қарсы басқыншылығы елдердің тәуелсіздігі мен ұлттық егемендігін қорғаудың жалғыз жолы олардың қорғаныс қабілетін күшейту және осы режимге қарсы абыройлы қарсылық көрсету екенін бұрынғыдан да айқынырақ көрсетеді»,- деді.
