Иранның "Dena" эсминеці Үндістанның Вишакхапатнам портына тоқтады
ParsToday ирандық "Dena" эсминеці "Милан 2026" халықаралық жаттығуына қатысу үшін Үндістанның Вишакхапатнам портына тоқтады.
ParsToday-дың Mehr News Agency агенттігіне сілтеме жасап хабарлауынша, Иран Ислам Республикасы Әскери-теңіз күштеріне тиесілі "Dena" эсминеці "Милан 2026" халықаралық жаттығуына қатысу үшін Үндістанның Вишакхапатнам портына тоқтады. Бұл жаттығу 18 ақпаннан 25 ақпанға дейін Бенгал шығанағы суларында өтеді және оған 70-тен астам ел қатысуда.
«Милан» жаттығуын Үндістан екі жылда бір рет елдің ірі порттарының бірінде өткізіледі. Үндістан Әскери-теңіз күштерінің мәліметінше, жаттығудың мақсаты - әскери-теңіз күштері арасындағы кәсіби байланысты нығайту, операциялық тәжірибе алмасу, далалық үйлестіруді күшейту және теңіз қауіпсіздігі саласындағы ынтымақтастықты кеңейту.
«Дена» эсминецінің осы халықаралық іс-шараға қатысуы Иран Ислам Республикасының теңіз дипломатиясын дамыту және аймақтық және аймақтан тыс елдермен қорғаныс саласындағы өзара іс-қимылды кеңейту саясаты аясында бағаланады. Жетілдірілген операциялық мүмкіндіктері мен қорғаныс жүйелеріне ие бұл жергілікті кеме Иранның теңіз қорғаныс өнеркәсібі саласындағы ілгерілеуінің символы болып табылады.
