Шамхани: Иран шәһидтердің жанкештілігінің арқасында бүгін Еуропадан қауіпсіз

ИИР Ұлттық қауіпсіздік жоғары кеңесінің хатшысы: «Иранның лаңкестікпен күрес саласындағы сәтті тәжірибесіне байланысты еуропалық мемлекеттер әрдайым осы тәжірибені пайдаланғысы келеді»,- деді.

ИРНА-ның мәліметі бойынша, контр-адмирал Шамхани кеше, жексенбі күні имам Садық (ғ.с.) атындағы мешітте доктор Мұстафа Чамранның шәһид болған күнінің жылдығына арналған рәсімде: «Еуропалықтар Теһранға келген кезде өздерін Парижге қарағанда қауіпсіз сезінеді. Сондықтан олар Иранмен тәжірибе алмасуды қалайды. Алайда бұл тәжірибе шәһидтердің төгілген қанының нәтижесі.

Қауіпсіздік және полиция органдарының соғыстар мен елдің ішіндегі сепаратистер және надан мұнафықтарымен күресуінің нәтижесіндегі тәжірибелері лаңкестермен күресуге көмектеседі. Халықтың қатысуы мен олардың рөлі Ислам республикасының қауіпсіздігін қорғауда әсерлі болды»,- деп мәлімдеді.

Шамхани сонымен бірге тәкфірлік топтардың исламдық қоғамдардың арасында жасайтын арандатушылықтарына сілтеме жасап: «Тәкфіршілердің міндеті сионистерге қарсы жиіркеніш оқтарына айналған таза ой-пікірлерді исламдық қоғамдарға қарсы бомбаларға айналдыру болды. Бұл -тәкфіршілердің исламдық қоғамға қарсы жасап отырған ең үлкен қиянаты, керісінше сионистерге көрсетіп отырған қызметі»,- деп баса айтты.