Алматы әуежайы 415 миллион долларға сатылды
Maм 09, 2020 15:13 Asia/Almaty
Түркияның әуежай қызметтері TAV Airports холдингі Алматы халықаралық әуежайы акциясының 100 пайызын 415 миллион долларға сатып алды.
TAV Airports холдингінің бас директоры Сани Шенер: «Қазақстан – географиялық және экономикалық тұрғыдан аймақтағы ең үлкен мемлекет. Алматы – елдің жалпы ішкі өнімнің 20 пайызы түсетін ірі қала. Алматы Қытай, Еуропа мен Африканы бір-біріне қосқан Жібек жолының орталығында орналасқандықтан жақсы әлеуетке ие. Біз білімімізге сүйеніп, оны толық іске асыруға талпынамыз»,- деді. Мәліметтер бойынша, Алматы халықаралық әуежайының акциялары Venus Airport Investment B.V жеке компанияның қолында болған.