Қазақстанда коронавирусқа қарсы вакцинаның сынағы басталды

Қазақстан Денсаулық министрлігі ДДСҰ-нан коронавирусқа қарсы жергілікті вакцинаны сынақтан өткізу үшін рұқсат алынғанын хабарлады.

Fars News ақпарат агенттігінің мәліметінше, Қазақстан ресми түрде COVID-19 вакцинасын әзірлеуші елдердің қатарына тіркеліп, вакцинаны сынақтан өткізуге рұқсат алды.

ДДСҰ қазақстандық ғалымдардың бұл саладағы жетістіктерін тіркеп, өзінің ресми веб-сайтында жариялады. Вакцинаны Қазақстанның биомедицина қауіпсіздігі ғылыми-зерттеу институты коронавирус жұқтырған адамдардан бөлінген  вирус штаммы негізінде жасады.