Қазақстан мен Өзбекстан жоғары жылдамдықты теміржол салуды жоспарлап отыр
Қаң 27, 2021 18:12 Asia/Almaty
Қазақстан мен Өзбекстан екі елдің арасында жоғары жылдамдықты теміржол салуды жоспарлап отыр.
Fars News агенттігінің хабарлауынша, Қазақстан үкіметі бұл елдің Президенті Қасым-Жомарт Тоқаевтың қатысуымен өткен отырысында Түркістан-Шымкент-Ташкент бағыты бойынша жоғары жылдамдықты теміржол салу жоспарын мақұлдады. Қазақстан Премьер-министрі Асқар Мамин бұл туралы: «Бұл жаңа теміржол желісін іске қосудың мақсаты – Нұр-Сұлтанға келетін туристер санын арттыру. Жаңа жоғары жылдамдықты теміржолдың салынуымен туристік индустрияда 22000 жұмыс орны, сонымен қатар 100000 оған байланысты басқа жұмыс орындары ашылады деп күтілуде»,- деді. Қазақстан Премьер-министрінің айтуынша, елдің жалпы ұлттық өніміндегі туризмнің үлесі 5,2 пайызға дейін өседі.
Тегтер
