Қасеми: Иран мен Қазақстан арасындағы транзиттік тауар көлемі төрт есеге артады
Иранның Жол және қала құрылысы министрі Қазақстанмен екі ел арасында транзиттік тауар көлемін жылына 1 млн тоннадан 4 млн тоннаға жеткізу туралы меморандумға қол қойылғанын хабарлады.
IRNA ақпарат агенттігінің хабарлауынша, Иранның Жол және қала құрылысы министрі Рустам Қасеми дүйсенбі күні Теһранда Қазақстанның Сауда министрі әрі Премьер-министрдің орынбасары Серік Жұманғаринмен ортақ отырыс өткеніне тоқталып: "Екі ел тасымал және транзит саласында әріптестікті арттыру туралы меморандумға қол қоюға келісті. Онда үш маңызды мәселе – кеден істерін цифрландыру, тарифтерді бірыңғайлау және ирандық жүргізушілер мен саудагерлерге виза беру қарастырылатын болады",-деді.
Қасеми Иран мен Қазақстан арасындағы транзит көлемінің жылына 1 млн тоннаны құрайтынын айтып: "Бүгін қол қойылған меморандум бойынша екі ел арасындағы транзит көлемін жылына 1 млн тоннадан 4 млн тоннаға жеткізу көзделіп отыр",-деді.
Қазақстанның Сауда министрі әрі Премьер-министрдің орынбасары Серік Жұманғарин Иранмен ортақ отырыста тасымал, транзит пен логистика саласында өзара техникалық әріптестікті жандандыру туралы келісілгенін айтып: "Екі ел Иран, Түрікменстан мен Қазақстан арасындағы транзит мәселелерін шешу және кедергілерді жою үшін жол картасын дайындауға келісті",-деді.
