Ұлттық киімдерді насихаттау
Әл-Фараби атындағы Қазақ Ұлттық университеті Жоғары оқу орнына дейінгі білім беру факультетінің студенттері мен профессорлық-оқытушылық құрам ұлттық киімімізді насихаттау мақсатында оқу орнына ұлттық нақыштағы киім үлгісімен келді. Игі шара алдағы уақытта да жалғасын табады.
Қазақтың ұлттық киімдері – өткен тарихымыз бен салт-дәстүріміздің көрінісі. Ең әдемі киім – ұлттық киім. Қазақ халқының ұлттық киімдерінің түрі де, үлгісі де ерекше болып келеді. «Заттың құны жылтырында емес, сапасында» демекші, қазақ ұлттық киімдері аң терілерінен, жүннен, киізден, былғарыдан және матадан тігілген. Қазақ халқының қолөнері – көне заманмен бірге дамып, біте қайнасып келе жатқан бай қазына. Қазақ халқының ұлттық киімдері заманға сай түрленіп, қазақы сән үлгісіне күн сайын сұраныс артып келеді. Қазақша киім үлгілерінің даму тарихы еліміздің мәдениетімен, ұлттық салт-дәстүрімізбен тығыз байланысты. Әрбір халық үшін өзінің болмыс-бітімін айқындайтын ұлттық киімдерін ұлықтау, оның өзіндік ерекшелігін сақтау, дұрыс киіну әдебін білу маңызды.
әл-Фараби атындағы Қазақ ұлттық университетінің
аға оқытушысы Идрисова Г.А.
колледждің арнайы пән оқытушысы
Кенжебаева Э.Б.
