Дамасктің маңында британдық қаруларды тиеген екі жүк көлігі тәркіленді

Сирия армиясы осы елдің астанасы Дамасктің маңында едәуір мөлшерде британдық қару-жарақ пен оқ-дәрі тиеген екі жүк көлігін тәркіледі.

Бірінші жүк көлігі Сирияның оңтүстігінде орналасқан Дара облысынан  Дамаск төңірегіндегі лаңкестердің қарамағындағы аймаққа аттанса, екінші жүк көлігі де Сирия астанасына таяу жердегі әл-Кесват аймағына аттанған.

Бұдан бұрын Сирия армиясы Батыс елдерінде, соның ішінде Америка мен Ұлыбританияда жасалған қару-жарақ пен оқ- дәрінің бірнеше қоймасын осы елдің түрлі аймақтарынан тауып, тәркілеген болатын.