Ердоған: Түркия Еуропа одағына мүшелікке кіруге байланысты референдум өткізеді
Түркия президенті елдің Еуропа одағына мүшелікке кіруіне байланысты келіссөздерді жалғастыру үшін референдум өткізу ықтималдығы жайлы хабарлады.
ИРНА-ның хабарлауынша, Түркия президенті Режеп Тайып Ердоған кеше сенбі күні кешке Анталияда өткен рәсім кезінде: "Анкара Конституцияға өзгерістер енгізуге қатысты референдум өткізгеннен кейін ғана Түркияның Еуропа одағына мүшелікке кіруіне байланысты келіссөздерді жалғастыру туралы шешім қабылдайды",- деп мәлімдеді.
Ердоған Түркияның Еуропа одағына мүшелікке кіруі үшін ондаған жыл күткенін сынға алып: "Мұндай жағдайдың жалғасуы қабылданбайтын мәселе.
Кейбір Еуропа елдері өздерінің Анкараға қарсы дұшпандық ұстанымдарын доғарып, ал еуропалық саясаткерлер өздерінің қате әрекеттерін түсініп, бұрыс бағыттан қайтуы тиіс",- деп ескерту жасады.
