Аймақ дағдарыстарын Ирансыз шешу мүмкін емес
Түркия президенті Иран Ислам Республикасын Таяу Шығыс аймағындағы маңызды әрі ықпалды мемлекет деп атап: "Аймақ дағдарыстарын Иранның қатысуынсыз шешу мүмкін емес",- деп қуаттады.
ИРНА ақпарат агенттігінің хабарлауынша, Түркия президенті Режеп Тайып Ердоған жұма күні португалиялық RTP арнасына берген сұхбатында "Аймақтағы Ирак және Сирия дағдарыстарын Ирансыз шеше аласыздар ма?" деген сауал қойып: "Иранның қатысуынсыз бұл дағдарыстарды шешудің мүмкін еместігі белгілі. Себебі, Иранның аймақ дағдарыстарын шешуге қатысуының пайдасы көп. Иранның қатысуымен Сирия мен Ирак дағдарыстары шешіледі",- деді.
Түркия президенті Түркия мен Иран арасындағы дау-дамайларға сілтеме жасап, Теһран мен Анкараның келіссөздер жүргізу арқылы өзара дауларын шешіп, аймақ дағдарыстары үшін шешім жолын таба алатындықтарына сенім білдірді.
