Иордан өзенінің батыс жағалауында екі палестиналық шәһид болды
Ақпарат көздері сионистік режим армиясының Иордан өзенінің батыс жағалауындағы әртүрлі аудандарға құрлық пен әуеден шабуылдары салдарынан екі палестиналықтың шәһид болғанын хабарлады.
IRNA ақпарат агенттігінің хабарлауы бойынша, Палестинаның Денсаулық сақтау министрі сәрсенбі күні кешке: "Сионистік режим әскерилерінің Иордан өзенінің батыс жағалауында орналасқан Джанин қаласында тұратын палестиналықтардың үйлеріне шабуылы салдарынан бір палестиналық жас жігіт шәһид болды",-деп хабарлады.
Сионистік режим әскерилері осы шабуылда екі палестиналықты қамауға алды.
Сионистік режим әскерилерінің Джанин қаласына жасаған шабуылынан кейін палестиналықтар олармен қақтығысып қалған. Соның салдарынан екі сионист сарбаз жараланды.
Al-Alam телеарнасының палестиналық ақпарат көздеріне сілтеме жасап хабарлауы бойынша, Джанин қаласында Палестина қарсыласу қозғалысы мен сионистік режим әскерилері арасындағы қарулы қақтығыста осы режимнің бір сарбазы өлтіріліп, бір сарбазы жараланған.
France Press ақпарат агенттігінің палестиналық ақпарат көздеріне сілтеме жасап хабарлауы бойынша, Израиль армиясының Иордан өзенінің батыс жағалауына әуеден жасаған шабуылында бір палестиналық шәһид болған.
