Түркия азаматы ресейлік ұшқышты өлтіргені үшін айыпталды

Түркияның азаматтарының бірі Сирияда парашютпен түсіп келе жатқан ресейлік ұшқышты өлтіргені үшін айыпталып, сот шешімі бойынша Измир қаласындағы абақтыға қамалды.

Иран Телерадио бірлестігінің мәліметінше, өткен аптада 14 адаммен бірге Измирдің тамақтанатын мекендерінің бірінде тұтқындалған Алп Арслан Челик лаңкестік және ұйымдастырылған қылмыспен күресетін бөлімнің тергеуінен кейін оның ісі сотқа жіберіліп, соттың шешімімен абақтыға қамалды.