Сақшылар корпусының жуырдағы әрекетінде ДАИШ-тың 40 қолбасшысы өлді
Ислам революциясы Сақшылар корпусының әуе-ғарыш күштерінің қолбасшысы: "Сақшылар корпусының Сирияның шығысындағы жуырдағы әрекетінде ДАИШ-тың шамамен 40 қолбасшысы, соның ішінде Мосул бөлімінің қолбасшысы өлді",- деді.
Иран Телерадио бірлестігі ақпарат агенттігінің мәліметі бойынша, Ислам революциясы Сақшылар корпусының әуе-ғарыш күштерінің қолбасшысы Амирали Хаджизаде Сақшылар корпусының лаңкестерге қарсы жуырдағы әрекетінің егжей-тегжейіне тоқталып: "Сириядағы Евфраттың шығысындағы Абу-Камал аймағындағы ДАИШ қолбасшыларының орталығына жасалған зымырандық шабуылдан түсірілген бейнематериал барлық зымырандардың нысаналарына жеткенін көрсетті. Бұл әрекетте бірінші рет бомбалайтын ұшқышсыз басқарылатын ұшақтар қолданылды. Жақын жерде америкалық базалардың орналасуына қарамастан зымырандар нысаналарына жетті, коалицияның топтарына зиян келген жоқ. Америкалықтар да әрекеттің дәлдікпен іске асырылғанын мойындады",- деп мәлімдеме жасады.
