Рухани Идлиб мәселесін шешу үшін Иран, Түркия мен Сирияның үшжақты отырысын өткізуге ұсыныс жасады
ИИР Президенті Иран, Түркия мен Сирияның үшжақты отырысын өткізуге ұсыныс жасап: «Идлибтегі лаңкестердің көзін жою және жазықсыз адамдардың жанын сақтау маңызды міндет ретінде назарға алынуы керек»,-деді.
Хасан Рухани сенбі күні Түркия Президенті Режеп Тайып Ердоғанмен телефон арқылы сұхбаттасып, Сирия қайшылығын шешу үшін Иран, Түркия мен Ресейдің үшжақты ынтымақтастығының ерекше маңыздылығына тоқталып: «Иран «Астана процесі» аясында үшжақты отырыстың келесі кезеңін өткізуге дайын»,-деп мәлімдеді.
Иран Президенті Астана процесін аймақтың қауіпсіздігі үшін үлкен жетістік деп атап: «Аймақта текетірестердің артуы ешбір елдің мүддесіне сай келмейді. Мәселелерді диалог арқылы шешу керек. Астана процесінің әлсіреуіне жол берілмеуі тиіс»,-деді.
Түркия Президенті телефон арқылы сұхбатта Иранның Сирия өзгерісінде ықпалды рөл ойнайтынын айтып, саяси келіссөздерді Сирия дағдарысын шешудің жалғыз жолы деп атап, Ираннан осы салада көмектесіп, әріптестік жасауды сұрады.
