Әл-Мекдад: АҚШ санкциялары жер сілкінісінен зардап шеккендерге көмек көрсетуге кедергі болуда
Сирия Сыртқы істер министрі Фейсал Меқдад: «АҚШ-тың санкциялары көмекке үлкен кедергі болып табылады, өйткені олар Сирияға дәрі-дәрмек әкелуге кедергі жасайды»,- деді.
IRNA ақпарат агенттігінің хабарлауы бойынша, Сирия Сыртқы істер министрі сейсенбі күні кешке әл-Маядин арнасына берген сұхбатында АҚШ-тың Сирия халқына қарсы санкцияларын айыптап: «Сирия үкіметі көмек лаңкестердің қолына жетпеген жағдайда, барлық аймақтарға көмек жеткізуге мүмкіндік жасауға дайын»,- деді.
Сирияның БҰҰ-дағы өкілі Басам Сабағ дүйсенбі күні кешке осы ұйымның бас хатшысы Антониу Гутерришпен кездесуінде Сирия Сыртқы істер министрлігінің мәлімдемесіне сілтеме жасады. Бұл мәлімдемеде Сирия СІМ БҰҰ-на мүше мемлекеттер, осы ұйымның хатшылығы, Халықаралық Қызыл Крест комитеті және басқа да үкіметтік және үкіметтік емес мекемелерден Сирия мен оның үкіметіне жуырдағы жер сілкінісінен туындаған гуманитарлық апатты жоюға көмектесуді сұрады.
