Иордан өзенінің батыс жағалауындағы толқулар: ондаған палестиналық жарақат алды

Палестиналық ақпарат көздері сионистік күштердің Иордан өзенінің батыс жағалауының әртүрлі аймақтарына жасаған шабуылын және осы шабуылдарда ондаған адамның жараланғанын хабарлады.

Вафа ақпарат агенттігінің сенбі күні хабарлауынша, Наблустағы сионистік сарбаздар Бейт Деджен төңірегіне шабуыл жасады, шабуыл олар мен осы аймақтың жастары арасында қақтығыстар әкелді, басқыншылар палестиналықтарға қарсы көзден жас ағызатын газ қолданды, нәтижесінде 13 адам тұншықты. Басқыншы Израиль әскерлері Наблустың оңтүстігіндегі Хавара бақылау-өткізу пунктінде палестиналық жасты аяусыз соққыға жыққан.

Сионистік күштер Калкилияның шығысындағы Кафр Ғадумға да шабуыл жасап, қалашық құрылысының жалғасуына наразылық білдірген апта сайынғы бейбіт шеруге қатысушыларды басып тастады. Бұл шабуылда үш палестиналық сионистік сарбаздардың оқтарынан жараланып, ондаған адам көзден жас ағызатын газдың әсерінен тұншықты.

Сионистік күштер әл-Халилдағы Бейт Амр қаласына да шабуыл жасап, нәтижесінде екі палестиналық азамат сионистік күштердің оқтарынан жараланды.