Өткен түнде Газаға жасалған шабуылдарда 100-ден астам палестиналық шәһид болды
Израиль армиясының Газаға түнгі ену шектеулі операциясының басталуымен және кеше түннен бүгін таңға дейін бомбалауы салдарынан 100-ден астам бейбіт тұрғын шәһид болды.
"Әл-Маядиннің" сенбі күнгі хабарына қарағанда, Израильдің Газа секторына әуе шабуылы басталғаннан бері палестиналық шәһидтер саны артты. Осы есеп бойынша осы шабуылдар кезінде 7300-ден астам палестиналық шәһид болып, 18 мың адам жараланған.
Палестина Денсаулық сақтау министрлігі 7 қазаннан бері Иордан өзенінің батыс жағалауында палестиналық шәһидтердің саны 110 адамға және 1900-ден астам жаралыға жеткенін хабарлады.
Газа секторындағы Палестина Қызыл Жарты Ай қоғамы: "Біз қазір бұл аймақта денсаулық апатымен бетпе-бет келіп отырмыз, өйткені палестиналықтар зиянды ауыз суды тұтынуға мәжбүр",- деп ескертті.
Газа Азаматтық қорғаныс ұйымының ақпарат хатшысы сондай-ақ сионистік режим әскери ұшақтарының әуе шабуылдарының үйінділерінің астында қалған палестиналықтардың санының 1600-ден астам екенін хабарлады.
