ХАМАС басшысы: Нетаньяхудың Газаға жасырынып кіруі – жеңілістің белгісі
ХАМАС палестиналық қарсыласу қозғалысы басшыларының бірі: "Сионистік режим Премьер-министрінің жарнамалық суретке түсу үшін Газаға жасырынып кіруі – бұл режимнің жеңілгенінің белгісі",-деп баса айтты.
Fars ақпарат агенттігінің хабарлауынша, Басем Наим: "Басқыншы режим палестиналық тұтқындардың босатылғанын тойлауға кедергі жасауды көздеп отыр. Өйткені бұл режим күш көрсету арқылы өз тұтқындарын босатуда жеңіліс тапты",-деді.
ХАМАС басшысы сондай-ақ: "Қарсыласу күштері соғыс алаңы және тұтқындармен алмасу мәселесінде басымдыққа ие",-деді.
Израиль Премьер-министрінің кеңсесі жексенбі күні Беньямин Нетаньяхудың Газа секторына барғанын хабарлады. Нетаньяху соғыс алаңындағы сионистік күштерден қауіпсіздік жағдайы туралы рапорт алып: "Израиль армиясы толық жеңіске жеткенге дейін Газада соғысты жалғастыра береді",-деді.
