Нетаньяху соңғы сөзінде Иранға қатысты қандай жоспарды әщкереледі?
ParsТoday- Өткен жылы Газа мен Ливанға шабуыл жасап, ондаған мың жазықсыз адамды қырып салған сионистік режимнің премьер-министрі Иран қоғамына жолдауында олардан Израильмен соғысуды тоқтатуды жанама түрде сұрады.
Сионистік режимнің премьер-министрі Беньямин Нетаньяху жуырда жариялаған бейне үндеуінде бұрын-соңды болмаған түрде және Ирандағы тәртіпсіздіктер аяқталғаннан бері екі жылдан астам уақыт өткен жағдайда Батыстың «Әйел, өмір, бостандық» жобасының ұранын тілге тиек етіп, Ирандағы батысшыл халыққа ықпал ету үмітімен жолдауын жолдады. Бұл жолдауда Нетаньяху: «Әйел, өмір, бостандық!» деген ұранды қайталап, Иран халқынан өз жолын өзгертуді жанама түрде сұрады. Бұл хабарлама, әсіресе, оның осы шулы жобаның ұранына тікелей сілтеме жасағандықтан, тез арада Иранда кең ауқымды реакция тудырды.
Батыс пен сионистік режимнің Иранға араласу талпыныстары
ParsТoday ақпарат агенттігінің хабарлауынша, Америка, Англия, Германия, Франция сияқты кейбір батыс елдері, сондай-ақ сионистік режим соңғы жылдары Иранда қысым көрсету және бейберекетсіздік орнату жоспарларын үйлестірді. Экономикалық мәселелерге назар аудара отырып, бұл елдер тәртіпсіздіктер тудыратын қолайлы платформаны қамтамасыз ететіндей жағдайды жасауға тырысты.
1401 жылы шахриварда (2022 ж. қыркүйек) күрд этникалық тобынан және діни азшылықтардан шыққан ирандық қыз Махса Аминидің полицияда қайтыс болуы аталған елдердің ақпарат құралдары мен барлау органдарына осы қыздың өлтірілгені туралы өтірік таратуымен Иранда тәртіпсіздіктер толқынының басталуына мүмкіндік тудырды. Шын мәнінде, бұл оқиға Батыс елдерінің БАҚ бағдарламалары мен біріккен операцияларын жүзеге асыруға жағдай жасап, кейбір халықаралық желілердің жаппай және мақсатты түрде наразылық акцияларын бастауға, насихаттауға және ынталандыруға сылтау болды.
Кең ауқымды үгіт-насихат пен Батыспен байланысты БАҚ-тың күш-жігеріне қарамастан, наразылықтар тез аяқталды. Ирандықтардың сахнаға жаппай шығуы наразылық білдірушілер арасында Израиль қолдаған лаңкестік және қарулы күштердің болуы себеп болған бұл тәртіпсіздіктердің ауқымын ауқымын азайтуға мүмкіндік берді.
Ливанның «Әл-Маядин» желісі бұл туралы былай деп жазды: «Америка, Англия, Франция, Германия, Канада, Бельгия, Австрия, Австралия, Исландия, Италия және сионистік режим Ирандағы тәртіпсіздіктерде рөл атқарған тараптардың қатарында».
Нетаньяхудың соңғы хабарламасына әлеуметтік желілердегі реакциялар; «Израильдің ашылған жобасы»
Нетаньяхудың Иран халқына арнаған бұл соңғы жолдауы, ирандықтардың мазағымен бірге әлеуметтік желілерде кең тараған реакцияларға тап болды. X платформасындағы ирандық қолданушылар (бұрынғы Twitter) бұл хабарламаны сионистік режимнің қастандықтары мен Иранда бейберекетсіздік орнату жоспарларын әшкерелеу деп атады.
Саяси белсенді Хұсейн Ибрахими есімді қолданушылардың бірі былай деп жазды: «Осы лас қанішер, мына зұлым жын бүгін әйелдер, өмір және бостандық туралы айтты. Шайтан өзін әшкереледі». Ол Нетаньяхудың сөздерін сионистік режимнің Ирандағы толқулардағы рөлінің айқын белгісі деп санады.
Х әлеуметтік желісінің тағы бір ирандық қолданушысы Мұстафа Гурджи де сионистік режим премьер-министрінің мәлімдемелерін осы режимнің қарсыласушылардан жеңілуінің белгісі және 1401 жылғы Ирандағы тәртіпсіздіктерге қатысты Нетаньяхудың бетінен маскасын алуы деп санап, былай деп жазды: «Нетаньяху ақыры бетпердесін шешіп, «әйел, өмір мен бостандық» деп ұран айтқандардың қатарына қосылды. Солтүстік майдандағы жеңіліс пен кезекті сәтсіздіктерден кейін ол енді популистік ұрандарды қолдануға кірісті. Ол «бұдан былай хиджабқа қатысты кез келген оқиға Израильмен байланысты болады» деді.
Сионистік режимнің сыртқы саясатындағы «Әйел, өмір және бостандық» жобасының рөлі
Нетаньяхудың жолдауына ирандық қолданушылар мен сарапшылардың реакциясы келесі мәселеге шоғырланды: сионистік режим мен кейбір батыс үкіметтері «Әйелдер, өмір, бостандық» деп аталатын бүлікшіл қозғалыстың ұрандарын маңызды көрсету арқылы Ирандағы осы әлеуметтік талаптарды өздерінің саяси және қауіпсіздік мақсаттарын, әсіресе Батыс Азиядағы соңғы оқиғаларды ескере отырып және Z буынына назар аудара отырып, олардың саяси және қауіпсіздік мақсаттарын алға жылжыту құралы ретінде пайдалануға тырысуда.
